Бекот на Фенербахче Рики Хикман поради повреда на Ахиловата тетива ја заврши сезоната.
Американецот, во четвртокот, против Уникаха одигра 18 минути постигна осум поени пред да ја напушти играта.
Хикман има 29 години, во Фенербахче пристигна од Мекаби со кого лани ја освои Евролигата.
Сезоната исто така заврши и за крилниот играч на Лаборал Куча Давис Бертанс. Летонецот на натпреварот со Армани Милано ги скина предните вкрстени лигаменти на коленото и му претстои пауза од шест до осум месеци.