Сопственикот на Челзи Роман Абрамович понудил 25,7 милиони фунти за привлекување на Андре Гомeс од Валенсија, пишуваат англиските медиуми.
21-годишниот фудбалер има одлична сезона со „лилјаците“ и со тоа го привлече вниманието на менаџерот Жозе Мурињо. Португалскиот репрезентативец умее да ја контролира средината на теренот, а исто така располага со многу добри додавања и сака да игра директен фудбал.
Уште откако ја смени Бенфика со „Местаља“ во 2014-та година, скаутите на Челзи редовно ги следат неговите настапи. Во моментов во Валенсија ја истражуваат подготвеноста на Челзи да плати слична сума. Не е исклучено „лилјаците“ да го отфрлат предлогот и да побараат повеќе пари.
Дури и во овој случај, Жозе Мурињо има намера да им угоди на Шпанците, така што ќе испрати нова понуда. Идејата е така комуникацијата да продолжи, што дава можност за постигнување на компромисно решение.
Досега во сезоната, Гомес играше на 24 од 28-те натпревари за Валенсија, а притоа реализираше 4 гола и една асистенција.
