Мишел Платини беше реизбран за претседател на УЕФА на конгресот на европската фудбалска федерација во Виена.
Неговиот реизбор за трет мандат на функцијата беше само формално, бидејќи други претенденти немаше.
Французинот го презеде управувањето на федерацијата за првпат во 2007-ма година и го наследи Швеѓанецот Ленарт Јохансон.
Со реизборот Платини автоматски си обезбеди место во Извршниот комитет на ФИФА.
Претходно во текот на денот Платини лобираше за прием на заинтересирани страни, како играчи, клубови и професионални фудбалски лиги да учествуваат во Извршниот комитет на УЕФА. 54-те претставници на земјите – членки на организацијата, ја поддржаа неговата идеа.
„Ние сме организација која се движи напред и живее во чекор со времето. Ова решение ќе докаже дека УЕФА е демократска, отворена организација и дека доброто нејзиното управување е приоритет за сите во неа“, изјави Платини.
Оваа одлука на европската федерација ја фрли топката во полето на доста конзервативната ФИФА, од која се очекува да ги преземе истите промени.
Платини ги коментира и многубројните проблем со расизмот и насилството на стадионите и терените во Европа. Тој даде пример искуства од 1985-та година, кога со екипата на Јувентус станува директен сведок на трагедијата на стадионот „Леска“.
„Се сетив на некои работи од минатото. Треба да избегнеме повторувањето на овие темни денови, во кои хулиганите и сите останати фанатици се одговорни за голем дел од настаните по стадионите. Некои имаме искуство од прва рака за овие работи“, изјави Французинот.
