Американката Линдзи Вон го освои малиот Кристален глобус во супервелеслалом за оваа сеозна, откако победи на трката во Мерибел. Вон го освои петтиот кристален глобус во оваа дисциплина, кој е вкупно 19-ти во нејзината кариера. Вон во средата ја прослави севкупната ппобеда во спуст за оваа сезона.
Американката победи во супервелеслаломската трка со време од 1:07.70 минути и го подобри рекордот според бројот на победи во Светскиот куп на 67.
Зад Вон трката ја завршија Ана Фенингер (1:08.19) и Тина Мазе (1:08.50), овое две скијачки водат голема борба за севкупна победника во Светскиот куп. На две трки до крајот Фенингер води со 1453 бодови, 32 повеќе од Мазе.
