Српските репрезентативки Андреа Лекиќ, Сања Дамјановиќ и Драгана Цвијиќ, решиле да не играат за ракометната репрезентација на оваа земја се додека на селекторската позиција се наоѓа Саша Бошковиќ.
Весникот „Спорт“ пренесува дека ваквата одлука ракометарките на стручниот штаб и на останатите колешки има ја соопштиле во ноќта помеѓу вторникот и средата.
Капитенот на репрезентацијата, ракометарката на ЖРК Вардар Андреа Лекиќ, пред заминувањето за Зрењанин каде се подготвува репрезентацијата на Србија, имала средба со првиот човек на Ракометниот сојуз на Србија, Велимир Марјановиќ.
На состанокот Лекиќ ги пренела размислувањата на ракометарките во врска со состојбите и атмосферата во репрезентацијата.
Дека споменатите ракометарки не се со репрезентацијата потврдил и селекторот Бошковиќ, чија оставка се бара.
Женската ракометна репрезентација на Србија во Зрењанин се подготвува за пријателскиот меч со Словенија, кој е дел од контролните средби за бараж дуелите со Романија за пласман на Светското првенство во Данска, кое ќе се одржува од 5-ти до 20-ти декември.
