Фудбалерите на Монако се пласираа во четвртфиналето во Лигата на шампиони, откако во осминафиналниот двомеч го елиминираа Арсенал.
Монако во реваншот на „Луј Втори“ загуби со 0:2, но меѓу осумте најдобри се пласира благодарение на победата од 3:1 на првиот меч во Лондон.
Оливие Жиру во 36. и Арон Рамзи во 79.минута беа стрелци за Арсенал. ‘Топџиите’ имаа извноредна шанса во 83.минута но ударот на Алекси Санчез на гол линијата го одбрани Субашиќ.
Монако во четвртфиналето им се придружи на Реал, Порто, ПСЖ и Баерн Минхен.
