Лидерот во Источната конференција во НБА лигата, екипата на Атланта против ЛА Лејкерс стигна до 52-та сезонска победа. Атланта во Лос Анџелес славеше со 91:86.
Македонскиот интернационалец Перо Антиќ овој натпревар го започна во стартната петорка и за нешто повеќе од 23 минути колку што мина на теренот имаше три поени, шест скока и две асистенции.
Антиќ беше стартер бидејќи тренерот Баденхолцер реши да одмори тројца играчи од почетната постава (Милсап, Тиг, Керол).
Денис Шредер со 24 поени и 10 скока, односно Ал Хорфорд со 21 поен беа предводници на Атланта. Кај Лејкерси кои имаат само 17 победи оваа сезона со по 13 поени најефикасни беа Карлос Бузер и Eд Дејвис.