Кошаркарите на Црвена звезда приредија вистинско изненадување во деветтото коло во Топ 16 фазата, со победата над актуелниот европски првак Макаби (89:76).
Црвена звезда до победата стигна со неверојатната серија од 20:0 во периодот од 33.до 38 минута во која блескаа Америкаците Вилијамс и Џенкинс и најдобриот играч на ‘црвено-белите’, Марјановиќ. Последната четвртина Црвена звезда ја доби со резултат 35:17.
Токму Марјановиќ го предводеше тимот до победата со 19 поени и 17 скокови, Вилијамс имаше учинок од 17 поени, 7 скока, 5 асистенции, а Џенкинс постигна 16 поени.
Панатинаикос во дербито загуби од Барселона со 77:81 и остана на четвртата позиција на табелата, додека Барса со Макаби има скор 6-3.
Во Ф групата Фенербахче славеше над Нижњи Нивгород со 92:79, а Лаборал Куча загуби од ЦСКА со 74:81.