Фудбалерите на Фиорентина стекнаа голема предност по првиот полуфинален меч во Купот на Италија, откако во Торино славеа над Јувентус со 2:1.
Фиорентина до победата стигна со головите на Мохамед Салах, египетскиот репрезентативец стигна до бројката од седум постигнати голови на шест одиграни натпревари во виолетовиот дрес.
Салах првиот гол го постигна во 11.минута кога претрча речиси 70 метри, мина двајца дефанзивци на Јувентус и лесно го совлада Сторари.
Јувентус израмни во 24 минута кога центаршутот на Пепе во гол го претвори Фернандо Љоренте.
Вториот свој гол Салах го постигна во 56.минута кога ја казни катастрофалната грешка на Маркизио.
Реванш натпреварот ќе се одигра на 7.април.
