Седум од осумте првопласирани екипи во Премиерлигата забележаа победи во 28. коло.
Лидерот Челзи славеше на незгодното гостување кај Вест Хем со минимален резултат и со натпревар помалку ја задржа предноста од пет бода во однос на Манчестер Сити. Победата на Челзи му ја донесе Азар со голот кој го постигна во 22.минута.
Манчестер Сити славеше над последнопласираниот тим во првенството Лестер со 2:0. Головите за Сити ги постигнаа Давид Силва и Милнер во финишот на првото, односно второто полувреме.
Њукасл загуби од Манчестер Јунајтед со 0:1. Единствениот гол го постигна Јанг во 89.минута по катастрофалната грешка на целата дефанзивна линија на Њукасл.
Арсенал како гостин славеше над КПР со 2:1, а головите беа постигнати во второто полувреме. Жиру и Санчез погодија за Арсенал, а Остин беше стрелец за КПР.
Тотенхем го совлада Свонси со 3:2, Ливерпул со головите на Хендерсон и Стариџ го совлада Брнли, а со ист резултат Стоук славеше над Евертон.