Македонскиот репрезентативец Војдан Стојановски е играч на колото во кошаркарскиот шампионат на Шпанија. Стојановски, исто како и ѕвездата на Реал Руди Фернандез, во 22-то коло имаше 26 индексни поени.
Војдан Стојановски во победата на својот тим Мора Бенк Андора над Ла Бруиса од 80:64 имаше учинок од 24 поени, една украдена топка и по два скока и асистенции.
Бекот на македонската репрезентација во вториот дел од сезоната му се приклучи на Мора Бенк Андора, откако претходно година ипол беше играч на Алба од Берлин.
