Две средби се одиграа во НБА лигата во ноќта помеѓу четвртокот и петокот, Кливленд предводен од Леброн Џејмс го декласира лидерот Голден Стејт, додека Оклахома загуби од Феникс иако Расел Вестбрук запиша нов ’трипл дабл’.
Кливленд го совлада Голден Стејт со 110:99 и ја забележа 18-та победа на последните 20 натпревари против овој противник.
Леброн Џејмс со сезонски рекорд од 42 поени, 11 скока и 5 асистенции го предводеше тимот до победата. ’Кралот Џејмс’ доби поддршка од Кајри Ирвинг (24 поени), Кевин Лав (16 поени, 8 скока) и Тимофеј Мозгов (10 поени, 10 скока).
Најефикасен играч на Голден Стејт беше Дејвид Ли со 19 поени, додека Стеф Кари постигна поен помалку.
Феникс со триумфот од 117:113 ја прекина серијата од седум победи во низа на Оклахома. Расел Вестбрук на 13 секунди до крајот резлизираше 2+1 и му донесе продолжение на својот тим, но истиот играч на шест секунди до крајот на продолжението промаши за ново израмнување.
Вестбрук 31 пoен постигна во второто полувреме и продолжението, а натпреварот го заврши со 39 поени, 14 скокови и 11 асистенции.
Феникс до 31-та победа во првенството го предводеа Маркиф Морис со 29 и Алекс Лен со 21 поен.
