Од Монако открија дека за Радамел Фалкао има сериозен интерес од многу тимови кои се меѓу водечките во своите првенства.
Во моментов Фалкао игра под наем во Манчестер Јунајтед, а „црвените ѓаволи“ може да имаат корист од опцијата која е запишана во неговиот договор и да го привлечат за постојано.
Манчестер Јунајтед ќе мора да плати 43.2 милиони фунти на Монако, ако сака да го земе Фалкао. Тоа е сумата која е запишана во договорот помеѓу двата клуба.
„Не се грижам за Фалкао. Тој е напаѓач од топ класа“, изјави потпретседателот на Монако Вадим Василјев во интервју за „BBC“.
„Ако Манчестер Јунајтед се одлучи да не ја искористи клаузулата, која е запишана во договорот и не го откупат, имаме понуди за Фалкао и од други тимови. Не се грижам за него“, додаде Василјев.
Манчестер Јунајтед плати 6 милиони фунти на Монако, за да го земе Радамел Фалкао како позајмен играч, а тој добива плата од 265.000 фунти неделно.
29-годишниот напаѓач постигна само четири гола во 19 натпревари во дресот на „црвените ѓаволи“.
