Европската ракометна федерација (ЕХФ) ја објави ранг листата на најдобрите ракометни нации, на која Македонија се наоѓа на 17-то место.
ЕХФ во предвид ги зема резултатите на машките и женските сениорски репрезентации, како и репрезентациите до 18 и 20 години. На чело на оваа листа се наоѓа Данска, а зад неа следуваат Франција, Шпанија, Шведска, Унгарија, Норвешка, Германија, Хрватска, Русија, Романија, Полска, Холандија, Црна Гора, Словенија, Србија…
Гледано одделно, македонскиот машки ракомет е рангиран на 15-то место, а женскиот на 19-то место.
Според ЕХФ, во Топ 5 селекциите во машкиот ракомет се Франција, Данска, Шпанија, Шведска и Унгарија, додека во најдобрите 5 во женскиот ракомет се Норвешка, Данска, Романија, Германија и Шведска
