КК Работнички повикува на фер плеј во пресрет на вечното кошаркарско дерби меѓу МЗТ и Работнички кое ќе се одигра в среда во Спортскиот центар „Јане Сандански“.
„Натпреварот меѓу МЗТ и Работнички секогаш предизвикува голем интерес во јавноста, но овојпат натпреварот е посебно интересен со оглед на тоа како заврши минатото дерби. Но, според мене, минатото треба да го оставиме и утрешниот натпревар да помине во духот на спортот, а за мене тоа значи фер плеј, коректно навивање и фер судење па подобриот нека победи. Доколку овие услови се обезбедат, убеден сум дека крајниот резултат ќе е во наша корист.
„Дeлегирањето на судиите беше преку ждрепка, а тројката која е избрана да ни суди е составена од тројца ФИБА судии кои верувам дека ќе судат професионално. На крајот на краиштата овој натпревар ќе биде следен од цела Македонска јавност и не верувам дека било кој би се дрзнал втор пат да го уништи вечното дерби“, стои во изјавата на претседателот на Работнички, Васко Кичевски, кое како соопштение е доставено до медиумите.
За потсетување првиот меч во сезоната меѓу вечните ривали, кое се одигра во салата во Градски Парк не го доживеа својот крај.
