Барселона се согласи да ги продаде правата за емитување на натпреварите од „Ла Лига“ во следната сезона на шпанскиот телеком „Телефоника“, на тој начин да ја прекине долгогодишната соработка со „Медиапро“.
Од стадионот „Камп Ноу“ не ја соопштија точната цена на трансакцијата, но според локалните медиуми таа е во вредност од околу 140 милиони евра – што одговара на износот што досега го плаќаше „Медиапро“.
Договорот за телевизиските права на Барселона е само за една сезона, бидејќи од 2016-та година се очекува да стапи во сила колективен договор, со кој ќе биде скратена разликата во износите кои ги добиваат најголемите и најмалите тимови во првенството.
