Еден од најдобрите голфери на денешницата, Тајгер Вудс, рекол дека одреден период ќе паузира, се додека не биде сигурен дека е целосно подготвен.
Поранешниот број 1 во светот на голфот оваа година поради проблемите со грбот настапи на само два натпревара, а се повлече од турнирот во Тори Пајнс.
„Последните две недели беа многу разочарувачки за мене. За жал во последно време зачестија повредите. Последната не е поврзана со операцијата која ја имав кон крајот на минатата година. Мојата игра и резултатите едноставно не се прифатливи“, истакнал Вудс кој нема освоено ниту една позначајна титула уште од 2000-та година кога победи на УС Опен.