Бенедикт Гангамба претседателот на фудбалскиот клуб Кабускорп од Ангола открил дека Бразилецот Роналдињо од наредната сезона ќе игра во овој клуб.
„Таа работа е договорена. Роналдињо од јуни ќе биде наш играч“, рекол Гангамба и дополнил дека во наредниот период ќе треба само да се финализираат уште некои детали од договорот со 34-годишниот фудбалер.
Роналдињо до крајот на сезоната има договор со мексиканскиот клуб Куеретаро, а како сега стојат работите по истекот на договорот ќе тргне по стапките на сонародникот Ривалдо, кој еден период од кариерата мина во Ангола.
Роналдњо во 2004 и 2005 година беше прогласуван за најдобар играч во светот, а во 2002 година беше во репрезентацијата на Бразил која ја освои светската титула.
