Белгискиот репрезентативец Еден Азар, кој е еден од најдобрите играчи на Челзи потпиша нов петгодишен договор со клубот.
„Од моментот кога дојдов во Челзи во 2012-та година се чувствувам добро и ја имам поддршката од сите во клубот. Менаџерот ми помогна да напредувам, навивачите за фантастични, а одлично соработувам со сиграчите“, рече Азар кој сезонава има постигнато 13 голови на 36 одиграни натпревари за „сините“.
Азар (24) од страна на навивачите беше избран за најдобар играч на Челзи во минатата сезона.
Челзи во моментов е прв на табелата во Премиерлигата со седум бода предност во однос на второпласираниот Манчестер Сити.
