Објавени се имињата на спортистите кои се номинирани за престижната награда Лауреус.
Во машка конкуренција номинирани се Новак Ѓоковиќ кој освои седум АТП титули во 2014 година, меѓу кои Вимблдон и завршниот Мастер и се врати на првото место на АТП листата, потоа најдобриот светски фудбалер Кристијано Роналдо, светскиот рекордер во скок со стап Рено Лавилени, најдобриот голфер на светот Рори Мекилрој, светскиот првак во Фромула 1 Луис Хамилтон и светскиот првак во Мото ГП, Марк Маркез.
Во женска конкуренција номинации добија атлетичарката Валери Адамс, норвешката нордијка Марит Бјорген, атлетичарката од Етиопија Ганзебе Дибаба, скијачката од Словенија Тина Мазе и тенисерките Серена Вилијамс и На Ли.
Наградата Лауреус ќе биде доделена на свечена церемонија која ќе се одржи во Шангај на 15-ти април.
