Кошаркарите на Атланта го забележаа десеттиот пораз во НБА шампионатот откако во Мемфис загубија од домашниот тим со 94:88. Во ноќта помеѓу неделата и понеделникот победи забележаа Индијана, Оклахома, Торонто, Чикаго, Минесота, Портланд и Сакраменто.
Атланта по поразот во Мемфис има скор од 42 победи и 10 порази, додека Мемфис има скор 38-13. Играчите на Мемфис натпреварот го решија со серијата од 8:0 во последните три ипол минути.
Македонскиот интернационалец Перо Антиќ имаше скромен ефект за нешто повеќе од 15 минути колку што мина на теренот. Антиќ мечот го заврши со два поени и два скока.
Џеф Тиг ја предводеше Атланта со 22 поени, но за разлика од него потфрли центарскиот двоец Милсап-Хорфорд. Овие двајца заедно постигнаа само 10 поени.
Мајк Конли беше најефикасниот играч на Мемфис со 21 поен, додека центрите на овој тим имаа двоен ефект: Марк Гасол (16 поени, 10 скока) и Зак Рендолф (11 поени, 15 скока).
Оклахома ја забележа најубедливата победа 131:108 против ЛА Клиепрс, во чии редови не настапи повредениот Блејк Грифин. Кевин Дурент со 29 поени ја предводеше Оклахома, додека Крис Пол кај Клиперси имаше учинок од 18 поени и 13 асистенции.
Џејмс Харден постигна 45 поени, кои не беа доволни Хјустон да го избегне поразот од Портланд (98:109). Неговиот учинок на спотивната страна го неутрализираа Ламаркус Олдриџ (24 поени) и Демијан Лилард (23 поени).
На другите натпревари: Кливленд славеше против ЛА Лејкерс (120:105), Минесота победи во Детроит (85:83), Чикаго минимално славеше во Орландо (98:97), Торонто го совлада Сан Антонио (87:82), а Феникс победи во Сакраменто (85:83).
