Тина Мазе од Словенија го освои златниот медал во спуст на Светското првенство во Бивер Крик.
Мазе со 31 година стана најстарата светска шампионка во индивидуална трка. Мазе во досегашниот тек од СП има освоено два медали, таа претходно го освои сребрениот медал на трката во супервелеслалом.
Мазе до победата стигна со време од 1:45.89 минути, втора на целта стигна Ана Фенингер од Австрија (1:45:91), а третото место и припадна на Лара Гут од Швајцарија (1:46.23).
Инаку Мазе сега се стекна со добри шанси да стане првата која освоила пет медали на едно СП, бидејќи наредните дисциплини (слалом, велеслалом и комбинација) се нејзина специјалност.
