Дефанзивецот на Реал Мадрид, Серхио Рамос, поради повреда ќе отсуствува од терените помеѓу пет и шест недели. Рамос се повреди во средата на натпреварот со Севиља (2:1),а најновите информации за сериозноста на неговата повреда ги пренесе „Marca“.
Првичните прогнози беа дека столбот на одбраната на Реал ќе се рехабилитира најмногу три недели, но очигледно е дека повредата е многу посериозна.
Инаку на истиот натпревар се повреди и Хамес Родригез, кој исто како и Рамос, поради фрактура на метатарзалната коска во стапалото, нема да биде во тимот во наредните два месеци.
Отсуството на овие двајца фудбалери е голем проблем за тренерот, Карло Анчелоти, во пресрет на саботното дерби со градскиот ривал Атлетико.
