Манчестер Јунајтед ќе направи финален обид да привлече нов централен дефанзивец до крајот на зимскиот преоден рок.
Според „ESPN“ извори од „Олд Трафорд“ потврдија дека главните цели на Јунајтед во оваа насока се Матс Хумелс (Борусија Дортмунд), како и дефанзивецот на Атлетик Билбао, Ајмерик Лапорте.
Ако не успеат при реализацијата на еден од овие трансфери, тогаш „црвените ѓаволи“ ќе го остават решавањето на ова прашање за летото.
Во клубот се цврсто решени да ги извршуваат приоритетните имиња наведени во листата на Ван Гал, а не да бидат донесени компромисни варијанти, какви би можел да понуди зимскиот трансфер пазар.
