Лидерот во англиската Премиерлига, Челзи ќе оствари сериозен трансфер до крајот на зимскиот преоден рок во Европа, тврди „Дејли експрес“.
Според изданието, „сините“ од Лондон се договориле ѕвездата на Фиорентина, Хуан Куадрадо.
Се очекува Челзи да плати за крилниот напаѓач 23 милиони фунти (30 милиони евра).
Весникот потсетува дека клаузулата за раскинување на договорот на Куадрадо е 35 милиони евра, но од Фиорентина имаат тенденција да се разделат со него и за сума од 30 милиони, бидејќи самиот играч сака да игра во Англија.
Се очекува трансферот да биде реализиран во наредните денови.
Како што е познато трансфер периодот во Европа се затвора на 2-ри февруари (понеделник).
