Можноста за разделба со Асиер Илараменди го поттикна раководството на Реал Мадрид итно да започне нови преговори со Крузеиро за Лукас Силва, тврди „Марка“.
21-годишниот фудбалер е нарекуван „новиот Кака“ поради сличниот стил на игра со истоимениот сонародник. Во есента бразилскиот клуб отфрли две понуди на Шпанците, поради што Флорентино Перез за идното лето ги одложи новите преговори.
Сегашниот предлог на Атлетик Билбао од околу 25 милиони евра за Илараменди, сепак ги натерало „кралевите“ повторно да го насочат погледот преку океанот, бидејќи може да пронајдат негова замена.
Во договорот на Лукас Силва има откупна клаузула во износ од 15 милиони евра, но цената се чини висока за Реал. Дури сепак ако треба да ја платат, мадриѓани би биле со околу 10 милиони евра профит, ако на крајот добијат 25 милиони евра за Илараменди.
Самиот Лукас Силва неодамна призна дека има голема желба да стане соиграч на Кристијано Роналдо. Интерес кон него сепак покажуваат и лондонските Арсенал и Челзи.
