Понудата за долгоочекуваната борба меѓу Флојд Мејведер и Мани Пакујао е на масата, се очекуваат потврдите од двете страни.
Промоторот на Пакујао – Боб Арум, потврди дека предлогот е 200 милиони долари, а ќе се дели во сооднос 60/40. Тоа значи дека Флојд Мејведер – Џуниор ќе добие 120 милиони долари, а Мани Пакујао – 80 милиони долари.
Ако се постигне договор, дуелот ќе се одржи на 2-ри мај, а тој ќе стане и најскапиот бокс натпревар во историјата.
Денес Мејведер веќе има 37 години, а Пакујао 36 години.
Дуелот сепак сигурно ќе предизвика огромен интерес и покрај староста на двајцата и фактот дека Пакујао загуби две од последните пет средби.
Флојд Мејведер продолжува да е непоразен на професионалниот ринг, а во исто време е и најдобро платениот спортист во светот.