Јувентус понудил 18 милиони евра за напаѓачот на Манчестер Сити Стеван Јоветиќ, тврди „Спорт Медиасет“.
„Старата дама“ дава 18 милиони за Јоветиќ
25-годишниот играч одамна е во видното поле на „старата дама“, уште пред да премине на „Етихад“ од Фиорентина во 2013-та година.
Од Јуве понудиле 2 милиони евра, за да го земат Јоветиќ како позајмен играч до крајот на сезоната и уште 16 милиони како клаузула за одрекување на неговите права во текот на летото. Од Манчестер Сити сепак инсистирале клаузулата за одрекување да е задолжителна, што практично значи дека двата клуба уште отсега ќе договараат продажба на играчот.
Клубот од Торино сепак не сака да се врзува со задолжително купување, а имаат тенденција да го задржат Јоветиќ, само ако тој одигра барем 10 натпревари во сезоната. Така двата клуба се уште не постигнале договор и преговорите продолжуваат.
Јоветиќ и така не успеа да се наметне во Манчестер Сити во последните две сезони. Првата година тој долго беше повреден и тоа беше главната причина да не игра, додека сега честото останување на клупа е тренерско решение на Мануел Пелегрини, кој очигледно не смета многу на него. Во оваа сезона Црногорецот има 12 натпревари и 5 гола во Премиерлигата.