Раководството на англиската Премиер лига официјално потврди дека Френк Лампард е сопственост на Манчестер Сити и нема поврзаност со други клубови. Фудбалерот е регистриран во составот на „граѓаните“ за целата сезона.
Како што е познато, Лампард го напушти Челзи на крајот на минатата сезона и најави дека ќе премине во Њујорк Сити. Напротив, се покажа дека тој не потпишал договор со американскиот тим и не е позајмен на Манчестер Сити.
Неговиот договор со шампионот на Англија е целосно валиден и нема пречка 36-годишниот фудбалер да продолжи да игра за тимот на Мануел Пелегрини.
Одбиени беа и претпоставките дека Лампард потпишал со „City Football Group“ – компанијата која е сопственик и на двата клуба.
Ова го поставува прашањето дали халфот воопшто ќе се приклучи на Њујорк Сити, макар и само во текот на летото.