Аргентинскиот фудбалер Енцо Перез ќе заигра во Валенсија од почетокот на јануари, објавија „лилјаците“.
Перез, кој доаѓа од Бенфика, ги помина медицински прегледи во Валенсија во понеделникот и ќе потпише договор со својот нов тим во текот на денот.
Неговите права се проценети на околу 25 милиони евра, но до моментов раководството на „лилјаците“ не соопштува детали околу зделката.
Перез пристигна во Бенфика во 2011-та година со трансфер од Естудиантес. Тој има осум гола во 64 натпревари за Португалците.
