Францускиот шампион ПСЖ до крајот на сезоната може да го доведе на позајмица плејмејкерот Аднан Јанузај од Манчестер Јунајтед, пишуваат медиумите.
Според информациите, младиот Белгиец е главната трансфер цел на тренерот на Французите Лоран Блан. ПСЖ има потреба од уште фудбалери во нападот, а Блан гледа голем потенцијал во Јанузај и сака да располага со услугите на 19-годишниот Белгиец.
Самиот тој пак можеби ќе се согласи на трансфер, откако беше закотвен на клупата од Луис ван Гал при присуството на ѕвездите Анхел ди Марија и Хуан Мата. Покрај сето друго, Јанузај може да игра во елиминациската фаза од Лигата на шампионите, откако „црвените ѓаволи“ не се пласираа во евротурнирите.
Според различни информации од Франција и Англија, во договорот за позајмување од страна на ПСЖ може да се побара опција за целосното одрекување на правата на Аднан Јанузај.
