Германската манекенка Џордан Карвер му порача на фудбалерот Марко Ројс, кого полицијата пред неколку дена го казни со 540.000 евра, дека е подготвена да биде негов целодневен личен возач.
Имено, еден од најуспешните германски фудбалери дури седум години возел без возачка дозвола, поради што ја заработи високата парична казна.
– Мој мил Марко, ќе бидам твој личен возач 24/7 и ќе ти помогнам да ја добиеш својата возачка дозвола. Или сакај ме или од Борусија Дортмунд премини во Баерн. Знам дека сум малку сурова, но двете опции се подеднакво добри, му порача Карвер на Ројс.
Пренесувајќи ја оваа невообичаена понуда, весникот „Дејли Мејл“ наведува дека останува да се почека одговорот на 25-годишниот фудбалер, кон кого манекенката очигледно има симпатии.
