Лео Меси се уште има шанси да биде избран за најдобар фудбалер на светот за 2014-та година и по петти пат да дојде до „Златната Топка“.
Тој, сепак, не е најдобриот фудбалер на Аргентина за оваа година. Пред него за број еден беше избрано крилото на Манчестер Јунајтед, Анхел ди Марија.
На трето место остана голгетерот на Манчестер Сити, Серхио Агуеро.
Во корист на Ди Марија беше освојувањето на Лигата на Шампионите со Реал Мадрид, како и многу доброто претставување на светското првенство.
За најдобар фудбалер, играч во аргентинското првенство беше избран Лукас Пато од Велес Сарсфилд.
