По физичкиот напор, неопходно е да им овозможите на мускулите закрепнување и да ги подготвите за пoнатамошните активности во денот, а во тоа може да ви помогне овој здрав протеински напиток.
Овој вкусен шејк е комплетно природен и сите негови состојќи благотворно делуваат на здравјето бидејќи содржат мноштво витамини, минерали и растителни влакна.
Тој ќе ви помогне да ја повратите енергијата изгубена на тренингот по напорната работа, ќе ја стабилизира работата на дигестивниот тракт, ќе ве освежи и ќе го подготви вашето тело за нови напори.
Потребни ви се:
– ½ банана со средна големина
– 2 јаболки со средна големина
– 40 грама боровинки
– една рака искршен мраз
Во соковник исцедете сок од јаболките. На сокот додадете му го мразот, боровинките и бананата истовремено и сето тоа измешајте го во блендер. Напитокот пијте го непосредно по подготовката.
