Едвард Глејзер, едно од шестте деца на Малком Глејзер, пушти во продажба на њујоршката берза 3 милиони акции на англискиот фудбалски гигант Манчестер Јунајтед.
Малку повеќе од шест месеци по смртта на Малком Глејзер, кој го купи клубот од „Олд Трафорд“ во 2005-та година, неговиот син одлучил да продаде дел од хартиите од вредност кои ги доби во наследство од неговиот татко.
Се очекува продажбата на акциите од Јунајтед да му донесе приходи од околу 45 милиони долари на Едвард Глејзер.
Акциите ќе бидат понудени на берзата до крајот на оваа недела – петок, 12-ти декември.
