Фудбалерите на Реал Мадрид добиваат голема награда за освоената титула во Лигата на шампионите, а информациите од шпанските медиуми велат дека ќе има по 700.000 евра. Тие ја заслужија за успесите што ги остварија минатата сезона.
„Ел мундо депортиво“ пренесува дека мадриѓаните добиле толку голем бонус поради 10-тата титула шампион на Европа.
Реал Мадрид до десетиот трофеј во Лигата на шампионите стигна по победата над Атлетико во Лисабон по продолжувањата.
Избраниците на Карло Анчелоти се наградени и за триумфот во кралскиот куп по победата на „Месталја“ против Барселона со 2:1.