ФИФА ги објави номинираните 15 играчи од средниот ред кои ќе се борат за место во идеалниот тим на годината.
Имињата на избраниците ќе бидат објавени во текот на доделувањето на „Златната топка“, што ќе се одржи во Цирих на 12-ти јануари 2015-та година.
Од ФИФА веќе ги открија 5-те голмани и 20-те дефанзивци, кои ќе се борат за место во идеалниот состав, а на 1-ви декември ќе бидат познати и 15-те напаѓачи.
Играчите, селектирани во „Тимот на годината“, се избираат од фудбалери од целиот свет, а минатата година беа избраните халфовите Чави и Иниеста од Барселона, како и Франк Рибери од Баерн.
Листата со номинирани халфови: Чаби Алонсо (Шпанија/Баерн Минхен), Анхел ди Марија (Аргентина/Манчестер Јунајтед), Цеск Фабрегас (Шпанија/Челзи), Еден Азард (Белгија/Челзи), Чави Ернандез (Шпанија/Барселона), Андрес Иниеста (Шпанија/Барселона), Тони Крос (Германија/Реал Мадрид), Лука Модриќ (Хрватска/Реал Мадрид), Месут Озил (Германија/Арсенал), Андреа Пирло (Италија/Јувентус), Пол Погба (Франција/Јувентус), Хамес Родригез (Колумбија/Реал Мадрид), Бастијан Швајнштајгер (Германија/Баерн Минхен), Јаја Туре (Брегот на Слоновата Коска/Манчестер Сити) и Артуро Видал (Чиле/Јувентус).