„IBM“ со германска „Lufthansа“ склучи милијарда евра вреден договор за „outsourcing“, според кој американскиот технолошки гигант ќе го превземе одделот за услуги во сегментот на инфромациско-технолошката (IT) инфраструктура и вработените.
Тој потег е дел од планот на „Lufthansа“ за реструктуирање и намалување на трошоците, со што подобро ќе се справат со конкуренцијата од брзорастечките компании во Европа и во реонот на Заливот.
Како што наведуваат од американскиот компјутерски гигант, во склоп на 7-годишниот договор, „IBM“ планира да ја зголеми ефикасноста на „IT“ процесот на германската авиокомпанија, што би требало да вклучува и зголемување на користењето на услугата „облак“. Тоа на „Lufthansа“ би требало да и донесе годишна заштеда од околу 70 милиони евра.
Според тој договор, чиј нацрт е направен во октомври, од „IBM“ би требало да бидат префрлени околу 1.400 вработени во одделот „Lufthansa Systems“.
Договорот би требало да го одобрат надлежните власти за заштита на конкуренцијата и надзорниот одбор на германската авио-компанија.
