Раководството на Реал Мадрид ќе добие 1.6 милиони евра како компензација од ФИФА за повредата на Лука Модриќ.
Фудбалерот заработи повредата при гостувањето на Хрватска кај Италија (1:1) во неделата од европските квалификации.
Во 28-тата минута тој имаше судир со Мануел Пасквал и двајцата принудно го напуштија теренот. Неодамнешните испитувања покажаа дека Хрватот има кинење на тетивите во предниот дел на бутот на левата нога и ќе остане надвор од игра најмалку три месеци.
Реал ќе добие 1.6 милиони евра, колку што е платата на фудбалерот за овој период. Сумата ќе биде обезбедена од ФИФА и нејзината „Protection Program“. Таа ги брани клубовите и им исплаќа бенефиции, ако нивен играч се повреди во дуелот од календарот на светската фудбалска федерација и е надвор од игра повеќе од 28 последователни дена.
Ако Модриќ има потреба од операција, времето за неговото закрепнување може да се зголеми до половина година, а надоместокот за „кралевите“ ќе се удвои.
Хрватот се претставува одлично од почетокот на сезоната, а настапи на 17 од 19-те натпревари на Реал. Тој се одлично се воигра со Тони Крос во центарот на полудефанзивата, а двајцата се во основата на добрите резултати на „белите“ кои се во серија од 13 последователни победи во сите натпреварувања.
