По Ерера, Јунајтед би можел да добие уште едно засилување од Баскија, нормално ако може да им се верува на медиумите од оваа шпанска покраина. Овој пат станува збор за штопер.
Не е тајна дека Јунајтед има проблеми во последната линија, кои ќе се обидат да ги решат барем со едно купување во јануари.
Мат Хумелс одамна е нивни избор, покрај слабите резултати на Дортмунд, можеби Клоп и ќе се одлучи да го продаде и полека да прави тим за наредната сезона, но постојат гласини дека Германецот посакува да оди во Арсенал и дека не е голем фан на Ван Гал.
Новата, реална „мета“, е Ајмерик Лапорте, Французинот кој игра за Атлетик Билбао. Тој е попотекло Баскиец и по Лизаразу, е вториот Французин кој го носел дресот на Билбао.
Лапорте кариерата ја започна во младинскиот тим на Атлетик, а минатата година стигна до првиот тим и на чекор од репрезентацијата на Франција. Игра на позицијата штопер, но и лев бек и може да му биде конкуреција на Рохо за позицијата лев штопер во формацијата на Ван Гал.
Тој има откупна клаузула од 27.5 милиони евра, што се чини дека е премногу за момче кое има само 20 години, но Јунјатед не му е проблем да го плати износот кој треба за играч кој го посакуваат. Па поради тоа останува да видиме што ќе се случи во зимскиот преоден рок.