Швајцарецот Рожер Федерер со победа го почна настапот на Мастерс купот што се одржува во Лондон.
Тој синоќа во вториот меч од Б групата го победи Милош Раониќ (Канада) со 2:0 во сетови.
Првиот сет убедливо го доби Федерер со 6:1 во гемови, а во вториот Раониќ постојано имаше предност и при водство од 6:5 не искористи сет топка.
Федерер се избори за тај брек и успеа да го добие со максимални 7:0.
Во првиот меч од групата Кеи Нишикори (Јапонија) го победи Енди Мареј (Велика Британија) со 2:0 (6:4 и 6:4).
Во рамките на А групата денеска се играат мечевите од 1.коло: Стан Вавринка – Томаш Бердих и Новак Ѓоковиќ – Марин Чилиќ.
