Како што пренесуваат одредени медиуми, тренерот на мадридски Атлетико, Диего Симеоне, би можел наскоро да го превземе ПСЖ.
Претседателот на парискиот клуб, Насер Ал Калифи е незадоволен од резултатите во оваа сезона и сака да го промени тренрот Лоран Блан, а прва желба му е аргентинскиот стратег.
Ал Калифи е воодушевен од резултатите на Симеоне со Атлетико и го гледа како долгорочно решение на клупата на ПСЖ.
Симеоне минатата сезона изненадувачки ја освои титулата во Примера, а Атлетико играше и во финалето од Лигата на шампионите каде беше поразен до градскиот ривал Реал (4:1).
Инаку, Аргентинецот во својата тренерска кариера ги предводеше Расинг, Естудијантес, Ривер Плата, Сан Лоренцо и Катанија.
