Англиските медиуми јавуваат дека Манчестер Јунајтед за во јануари подготвил 23.5 милиони фунти за фудбалерот на Бенфика, Енцо Перез.
Луи Ван Гал сака уште еден Аргентинец во своите редови, а тоа е пријателот на Анхел ди Марија и Маркос Рохо, чија откупна клаузула во договорот со португалскиот клуб изнесува токму 23.5 милиони фунти.
Клубот од „Олд Трафорд“ во текот на летото го поврзуваа со споменатиот фудбалер, но тогаш Перез потпиша нов четиригодишен договор со Бенфика.
Сепак, цената останува иста, клаузулата не се промени и холандскиот тренер сега сака да ги ангажира своите фудбалери да го убедат пријателот и сонародник да се пресели во јануари во Манчестер.
