Англискиот фудбалски клуб Манчестер Јунајтед ќе го откупи комплетниот договор на Радамел Фалкао од Монако за 56 милиони евра.
Колумбискиот напаѓач ова лето дојде на едногодишна позајмица во Јунајтед со можност за откуп на договорот на крајот на сезоната, што „Црвените ѓаволи“ ќе ја искористат.
Челниците на клубот се задоволни од играта на Фалкао, иако тој пропушти неколку натпревари поради проблеми со повредите.
Овој 28-годишен фудбалер во својата кариера играше и за Лансерс, Ривер Плата, Порто и Атлетико Мадрид.
За репрезентацијата на Колумбија тој одигра 54 натпревари и постигна 21 гол.
