Пред една недела, Рафаел Надал изјави дека „Дејвис Купот“ ја изгубил својата вредност, но очигледно доста фанови на тенисот не се согласуваат со ова тврдење, бидејќи билетите за финалето Франција – Швајцарија се распродадоа за 50 минути.
Арената на фудбалски клуб Лил – „Stade Pierre-Mauroy“, ќе биде домаќин на пресметките кои се на програмата од 21-ви до 23-ти ноември, а организаторите обезбедија место на трибините за 27.000 луѓе.
Од нив 11.000 билети беа ставени на слободна продажба, 8.000 се дадени се Француската тениска федерација, а останатите 8.000 ќе бидат распределени меѓу Швајцарската федерација, „ITF“ и спонзорите на турнирот.
Најевтиниот билет за натпреварите почнува од 30 евра, но според информации на француски медиуми, на „црниот“ пазар достигнуваат и до 830 евра.
За Швајцарците и лично за Роџер Федерер, влогот е огромен, бидејќи ова е прв финале за земјата по 22 години, а и трофејот од „Дејвис Купот“ е еден од исклучително ретките кои му недостигаат во витринините на Маестрото.
Финалниот судир против Франција ќе биде 13-та средба меѓу двата тима во турнирот, а предноста на Французите е огромна – 10 победи и 2 порази.
