Челзи е на пат да го украде „новиот Кака“ од рацете на Реал Мадрид.
Според медиумите на „Островот“, „сините“ се многу блиску до трансфер на бразилскиот фудбалер Лукас Силва.
Ѕвездата на Крузеиро е во преговори со Реал Мадрид веќе неколку недели, и се сметаше дека уште во јануари тој ќе се приклучи на „кралскиот клуб“.
Последните информации велат дека од Челзи се во напредна фаза за договорот, и сега „сините“ го заведуваат Силва со подобра понуда.
Се смета дека Жозе Мурињо лично се ангажирал за овој трансфер, и го убедил Одборот на директори на Челзи дека треба да го украдат Лукас Силва по секоја цена од рацете на Реал Мадрид, и да го доведат на „Стемфорд бриџ“.
