„Volkswagen“ го претстави концептот „Fox Pepper“ чие официјално деби се очекува за време на одржувањето на саемот во Сао Паоло во Бразил.
„Fox Pepper“ може да се пофали со „Red Tornado“ боја на екстериерот, како и новиот преден браник. Концептот го одликува и маска во форма на саќе, покрив со црна боја и 15 инчни алуминиумски тркала.
Фотографиите од внатрешноста се уште не се објавени, но од „Volkswagen“ велат дека кабината ќе ја карактеризираат кожни навлаки во две бои, црвени отвори за воздух, како и „Fox Pepper“ ознаки. Концептот нуди и забавно-информативен систем кој подразбира 5.5 инчен екран и „GPS“ навигација.
За моќта е задолжен 1.6 литарски мотор кој развива до 120 ks излезна моќ кога вози на етанол. За забрзување до 100 km/h на овој модел му е потребно 9.8 секунди, додека максималната брзина која може да ја развие е 189 km/h.
