Еден Азар ги отфрли сите можности да го напушти Челзи и да премине во ПСЖ. Белгискиот репрезентативец е поврзуван со трансфер во францускиот клуб кој пројавува многу сериозен интерес за него.
Азар сепак е категоричен дека во моментов воопшто не размислува за варијантата да го напушти „Стемфорд Бриџ“ и да се врати во Лига 1.
Од Челзи веќе му понудија нов петгодишен договор на Азар и неделна плата од 200 илјади фунти.
Очекувањата се Еден Азар да стави потпис на новиот договор со Челзи во следниот месец.
„ПСЖ се наоѓа во истиот свет, во кој е и Челзи. За да бидат топ клуб, сепак треба да ја добијат Лигата на шампионите. Јас се чувствувам добро во Челзи. Тоа е тимот во кој јас сакам да продолжам, а ПСЖ воопшто не е во моите мисли“, изјави Азар.
„Да се вратам во Лига 1? Можеби и тоа ќе се случи еден ден. Би играл сепак само за Лил. Лига 1 е силно првенство, но не е најдобро во Европа“, додаде Белгискиот интернационалец.