Селекторот на македонската фудбалска репрезентација Бошко Ѓуровски од денеска треба на располагање да ги има сите повикани фудбалери за дуелот од квалификациите за ЕУРО 2016 против Шпанија.
Последни треба да се приклучат Адис Јаховиќ, кој ги заврши медицинските прегледи во руската екипа Крилја Советов, како и Јован Костовски и Мартин Богатинов кои имаа натпревари за своите екипи.
Репрезентацијата е сместена на 20 километри од Валенсија и за денеска се предвидени два тренинга.
Како што беше најавено нашата репрезентација ќе одигра контролен дуел со третолигашот Торе Леванте.
Дуелот е закажан за попладневните часови и ќе биде од затворен карактер.
Тоа ќе биде можност селекторот Ѓуровски да испроба тактички варијанти за натпреварот со Шпанија во понеделник.