Борусија Дортмунд бара инвеститори кои ќе му помогнат на клубот да ја намали разликата во буџетот за плати во однос на Баерн Минхен и европските топ клубови, пишува Блумберг.
Борусија ќе го продаде 5% од акциите на клубот на два стратешки партнери до крајот на септември. Во јуни клубот продаде 9% од акциите на корпорацијата „Evonik Industries“.
„Тоа не треба да е задолжително со германски компании или дел од нашите сегашни спонзори. Стратешкиот партнер треба да стане инвеститор кој има долгорочен интерес за партнерство“, изјави извршниот директор на Борусија, Ханс-Јоаким Вацке.
Во 2000-та година Борусија пушти акции на берзата, но сите собрани средства беа потрошени во рок од 5 години.
Вацке исто така, истакна дека победата на Германија на Светското првенство во Бразил значително ќе го прошири бројот на приврзаниците на Бундеслигата и ги зацврсти позициите на германскиот шампионат пред склучувањето на новиот договор за продажба на телевизиските права.
